MINISTRU ENSINU SIPERIÓR, SIÉNSIA NO KULTURA HALA’O SORUMUTUK HO SEKRETÁRIA ESTADU IGUALDADE

Díli, 14/02/2025 – S. Exa. Ministru Ensinu Superiór, Siénsia no Kultura, Dr. José Honório, hamutuk ho Diretór-Jerál Planeamentu no Finansas, Sr. Hernâni Viterbo Da Costa Soares, no Diretora-Jerál Ensinu Superiór no Siénsia, Sra. Filomena Lay Guterres, hala’o sorumutuk ho S. Exa. Sekretária Estadu Igualdade, Sra. Elvina Sousa Carvalho, iha salaun enkontru MESSK, Colmera-Díli.

Objetivu prinsipál husi sorumutuk ne’e mak atu diskute no partilla hanoin entre Ministériu Ensinu Superiór, Siénsia no Kultura ho Sekretária Estadu Igualdade kona-ba kestaun sira relasiona ho igualdade jéneru no kompromisu ne’ebé la’o ona iha Deklarasaun Maubisse. Aleinde ne’e, halo diskusaun kona-ba planu no orsamentu ba programa sira iha área Igualdade Jéneru ne’ebé sei implementa husi Ministériu Ensinu Superior, Siénsia no Kultura (MESSK) iha Instituisan Ensinu Superiór sira.

Partisipa mós iha sorumutuk ne’e Diretór-Jerál sira, Diretór Nasionál sira, Xefi Departamentu sira no funsionáriu tékniku sira husi MESSK no SEI.

Media URP-MESSK.