by 
Liquiçá, 07 Abril 2025 – Ministériu Ensinu Superiór, Siénsia no Kultura (MESSK) halo formasaun kona-ba Jestaun Eskritóriu ba funsionáriu sira, ho objetivu atu aumenta sira-nia kapasidade no hadia’a kualidade servisu administrativu iha Ministériu.
Inisiativa ida ne’e, koordena husi Direksaun Nasionál Rekursu Umanus (DNRH), hamutuk ho Institutu Nasionál Administrasaun Públika (INAP).
Serimónia abertura ba formasaun ne’e prezide husi Sua Exa. Ministru Ensinu Superiór, Siénsia no Kultura, Dr. José Honório, no hetan partisipasaun husi Direitór-Jerál INAP, Sr. Policarpo Amílcar Boavida, ho nian Xefi Gabinete, Sr. Luís dos Anjos Soares, Inspetór-Jerál, Koordenadór, Xefi Departamentu no funsionáriu sira.
Formasaun ne’e hetan partisipasaun husi funsionáriu hamutuk ema nain tolu nulu (30) reprezenta husi kada diresaun. Atividade formasaun halo entre loron 07 to’o 11 Abril 2025, iha Salaun Administrasaun Munísipiu Liquiçá.
English 
Portuguese