by 
Díli, 8/08/2024: Ministériu Ensinu Superiór, Siénsia no Kultura, liuhusi Unidade Parseria no Kooperasaun, lideradu husi Koordenador Unidade, Sr. Paulo Mariano, hamutuk ho Dr. Choltis Dhirathiti, Ph. D. ho nia delegasaun husi ASEAN University Network (AUN) husi Tailandia, ho nia delegasaun husi ASEAN University Network (AUN), halao sorumutu ho Assosiasaun Antigus Alunus Timorense sira iha diespora, iha salaun reuniaun MESSK.
Objetivu jeral husi reuniaun ida ne’e, atu kria liña koordenasaun no kolaborasaun entre Ministériu ho Asosiasaun Antigus Alunus Timorense sira ne’ebé termina estudu iha diespora, hodi bele kontribui ba iha desenvolvimento programa sira ne’ebé bele benefisia ba iha estudantes Timorense sira, liu-liu promove oportunidade sira, liuhusi liña koordenasaun assosiasaun nian ba iha sosiedade no komunidade sira iha area rural.
Parte seluk, objetivu prinsipal ho prezensa AUN nian, atu hodi halo diskusaun no rona opiniaun husi Antigus Alunus sira nia experiensia ligadu ho atividade no programa ne’ebé mak bele fo benefisiu ba iha Estudante Timor oan sira, liu-liu tuir nesessidade Timor-Leste nian, ligadu ho programa sira ne’ebé mak sei desenvolve iha futuru husi AUN rasik.
Programa sira ne’e, existe iha AUN nian mak hanesan area kapasitasuan rekursu umanu, mobilizasaun estudante ba programa interkambiu, ba iha area no topiku atividade espesialidade oi-oin, bolso estudu no mos atividades sira seluk ne’ebé, sei benefisia ba iha Estudante no Instituisaun Ensinu Superiór sira.
Portantu, Assosiasaun no Grupus antigus alunos ne’ebé mak hola parte iha sesaun sorumutu ida ne’e, kompostu husi representantes husi Alumni Portugal, Australia, Nova Zelandia, Brazil, Japão, America, Tailandia no Cuba.
