MESSK no ADTL Hala’o Asinatura Memorandu Entendimentu

Diretóra-Jerál Ensinu Superiór no Siénsia no Diretór Ezekutivu Asosiasaun Defisientes Timor-Leste (ADTL) hala’o asinatura Memorandu Entendimentu, iha salaun Ministériu Ensinu Superiór, Siénsia no Kultura (MESSK), Kolmera-Díli.Asinatura Memorandu Entendimentu ida-ne’e hala’o ho objetivu prinsipál hodi fó apoiu ba akizisaun materiál espesífiku hodi tulun estudante sira ne’ebé frekuenta iha ensinu superiór no liu-liu sira ne’ebé mak iha nesesidade espesiál. MESSK hakarak implementa medida ne’e hodi kria kondisaun atu bele iha igualdade ba oportunidade iha prosesu ensinu no aprendizajen ba estudante sira ne’ebé ho nesesidade espesiál.Partisipa iha serimónia ne’e, S. Exa. Ministru Ensinu Superiór, Siénsia no Kultura, Diretór Nasionál, Asesór no mos tékniku sira.