by 
S. Exa. Ministru Ensinu Superiór, Siénsia no Kultura (MESSK), Longuinhos dos Santos, mak prezidi reuniaun Konsellu Reitór sira nian, ho objetivu prinsipál atu diskuti kona-ba posibilidade hodi retoma fali atividade letiva prezensiál sira, iha Instituisaun sira Ensinu Superiór, nomós kona-ba Metodolojia no Estratéjia sira hodi rekupera fali Estudante sira-nia aprendizajen.Sei aprezenta mós informasaun sira kona-ba Dekretu-Lei n.º 12/2021, 21 jullu, ne’ebé regula Kriasaun ba Liña Kréditu ‘‘Ensinu Superiór Kualidade +’’ no, fahe, hanesan simbólika, materiál balu hodi prevene COVID-19, atu ajuda hodi kria kondisaun ba reativasaun aula prezensiál sira.Iha reuniaun ida-ne’e, marka prezensa Magnífiku Reitór sira no Reprezentante hosi Instituisaun na’in-18 Ensinu Superiór públiku no privadu nian, Prezidente INCT, Diretór Ezekutivu ANAAA, Diretora-Jerál Ensinu Superiór no Siénsia, tékniku no asesór sira Ministériu nian.
