by 
Ekipa Diresaun Nasionál Ensinu Superiór (DNES) hosi Ministériu Ensinu Supérior, Siénsia no Kultura kontinua programa “Monitorizasaun ba Instituisaun Ensinu Superiór hirak-ne’ebé eziste iha Munisípiu Covalima, Baucau, Aileu no Oe-Cusse”, hala’o hosi loron 11 to’o 15 marsu 2024.
Atividade ida-ne’e hanesan kontinuasaun ba programa monitorizasaun ne’ebé molok ne’e hala’o tiha ona iha Instituisaun sira iha Dili. Objetivu prinsipál mak atu observa no identifika dezafiu no nesesidade hirak-n’ebé Instituisaun Ensinu Superiór sira enfrenta iha territóriu nasionál tomak, hodi nune’e iha futuru bele hadi’a di’ak liután kualidade Ensinu Superiór iha Timor-Leste.
Monitorizasaun iha Munisípiu hirak-ne’ebé temi tiha hala’o iha Instituisaun IBTL no IPB, iha Manufahi, ICFP, Polo UNDIL no Polo ISC iha Baucao no Polo DIT, iha Rejiaun Administrativa Espesiál Oe-Cusse Ambeno (RAEOA).
