March 3, 2024

MESSK HO UNTL ASSINA MEMORANDU ENTENDIMENTU BA KRIASAUN SISTEMA BA JESTAUN DADOS ENSINU SUPÉRIOR TIMOR-LESTE

Ministériu Ensinu Supérior, Siénsia no Kultura liu husi Diresaun-Jeral Ensinu Supérior no Siénsia, hamutuk ho Universidade Nasional Timor Lorosae (UNTL), realiza assinatura memorandu entendimentu ba kriasaun ´´Sistema ba Jestaun Dadus Ensinu Supérior iha Timor-Leste“, nian, ne’ebé mak realiza iha Salau reuniaun MESSK, Colmera Díli.

Objetivu husi husi implementasaun ida ne’e, atu hodi bele armazena informasaun kona-ba estudante no dosente sira iha Ensinu Supérior Timor-Leste nian, no mos hanesan forma ida atu hodi bele fasilita Instituisaun Ensinu Supérior sira hodi organiza informasaun ligadu ho dadus estudantes no dosentes sira, no parte seluk informasaun hirak ne’e bele sai hanesan base dadus ida ne’ebé rápidu no oraganizadu ba Ministériu Ensinu Supérior, Siénsia no Kultura rasik.

Memorandu entendimentu ida ne’e, ofisialmente assina husi Diretora-Jeral Ensinu Supérior no Siénsia, Maria Filomena Lay Guterres, no Magnifuku Reitor UNTL, Dr. João Soares Martins, MPH, Ph.D., no hetan partisipasaun husi representantes IESP IOB, ISJB no mos tékniku sira husi UNTL rasik no MESSK.

0Shares