by 
Díli, 8/08/2024: S. Exa. Ministru Ensinu Supérior, Siénsia no Kultura, Dr. José Honório, hamutuk ho ekipa tékniku sira husi Ministériu, halao sorumutu ho Dr. Choltis Dhirathiti, Ph. D. ho nia delegasaun husi ASEAN University Network (AUN) husi Tailandia, iha salaun reuniaun MESSK, hodi kolia kona-ba futuru kolaborasaun entre AUN ho Instituisaun ensinu superior iha Timor-Leste.
Objetivu husi sorumutu ida ne’e, hodi apresenta kona-ba AUN ho nia papel, visaun no misaun sira, ligadu ho programas sira ne’ebé mak AUN iha, hodi prepara ba futuru kolaborasaun ho Instiuisaun Ensinu Superiór Timor-Leste nian, liu-liu ba hodi kria liña koneksaun entre Universidade Timor-Leste no mos Instituisaun Ensinu Superiór sira iha ASEAN no Plus 3 (Universidade husi China, Korea do SUL no Japaun). No benefisius sira seluk ne’ebé Timor-Leste sei hetan husi AUN nia programa sira ne’e, mak hanesan area kapasitasuan rekursu umanu, mobilizasaun estudante ba programa interkambiu, bolso estudu, join rescearh no mos atividades sira seluk ne’ebé, sei benefisia ba iha Estudante no Instituisaun Ensinu Superiór sira.
Portantu, AUN rasik estabelese iha 1995, hanesan organizasaun ida ne’ebé maka promove kolaborasaun no interkambiu entre universidade sira iha rejiaun sudueste Asiatiku. Ne’ebé mak ho nia membro kompostu husi mais Universidade 30 mak sai hanesan membro, ho nia objetivu prinsipal husi organizasaun refere nian maka, atu fortalese lasu akademiku no reforsu bah adia kualidade edukasaun superior iha rejiaun, liu husi nia inisiativas programas sira ne’ebé mak inklui programa mobilidade estudante, projetu peskiza hamutuk, no dezenvolvimentu kurrikulum regionais.
Hola parte iha sesaun ida ne’e, lideradu husi S. Exa. Ministru Ensinu Superiór, Siénsia no Kultura, Dr. José Honório, akopañadu husi, Diretor Ezekutiva ANAAA, Dr. Nilton Paiva Prezidente INCT, Dr. José Cornélio Guterres, Prezidente IPB, Dr. Acacio Cardoso Amaral, Direto Jeral Plaeamentu No Finansas, Sr. Hernâni Viterbo da Costa Soares, Diretora Jeral Ensinu Superiór no Siénsia, Sra. Maria Filomena Lay Guterres, Inspetor Jeral MESSK, Sr. Domingos Barros, inklui Koordenador Unidade, Kagus dirijentes no téknikus sira husi MESSK.
