MESSK aprezenta projetu konstrusaun IPB ba Konsellu Administrasaun Fundu Instratrutura (KAFI) nian

Diretór Nasionál ba Planeamentu, Parseria no Estatístika husi Ministeriu Ensino Superiór Siénsia no Kultura (MESSK) Sr. Mafaldo Lopes Victor, ho ekipa tékniku husi MESSK, aprezenta projetu Institutu Politékniku Betanu (IPB) ba Konsellu Administrasaun Fundu Infrastrutura (KAFI) nian.

Objetivu husi aprezentasaun ne’e, atu husu pedidu hodi aprova implementasaun projetu IPB, ne’ebé MESSK nu’udar na’in ba projetu refere.

Rezultadu husi aprezentasaun ne’e maka KAFI aprova ona pedidu implementasaun ba projetu IPB nian, no iha faze tuirmai, sei lori ba Konsellu Ministrus, molok atu haruka ba Komisaun Nasionál Aprovizionamentu (KNA) atu halo prosesu konkursu públiku.