by 
Rabilau, 16/20/2024: Ekipa husi Ministériu Ensinu Superiór, Siénsia no Kultura, lideradu husi Xefe gainete MESSK (Reprezenta S. Exa. Ministru MESSK), hamutuk ho kargus diretores Jerais, funsionárius no kargus xefias sira seluk, hola parte iha serimónia ofisial eventu promosaun turismo ´´Festival Rabilau 2024“, ne’ebé mak realiza iha foho Rabilau, Suku Lirai, Posto Administrativu Maubisi, Ainaro.
Programa ne’e hanesan iniciativa ida husi S. Exa. Presidente Republika RDTL, Dr. José Ramos Horta, ho nia objetivu prinsipal atu promove potensia turizmu Timor-Leste nian, ba iha Mundu Internasional. No nia objetivu jeral ida maka atu hodi promove setor turizmu lokal, hanesan promove turizmu komunitaria no turizmu kultural, ne’ebé mak aliña ho potensia no ecossistema natureza ne’ebé mak existe iha Rabilau no Posto Administrativu Maubisi rasik. Fatin turizmu Rabilau rasik, atualmente ho nia tradisaun kultural preservada no valor antropologia ne’ebé se forte ligadu ho nia originalidade husi grupu etnia origem ne’ebé mak existe iha fatin refere, hanesa konsistensia ba prezervasaun Uma lulik, ritmu no Kultu tradicional original ne’ebé mak sei natural. Aleinde ne’e, atrasaun seluk ne’ebé mak existe iha fatin refere, mak hanesan bela vista husi Foho Rabilau nian, ne’ebé mak atrativu, ho nia ecossistema natureza ne’ebé preservada no iha nia interasaun atrativu rasik atu atrai visitante sira.
Atividade festival ne’e rasik, envolve instituisaun relevante oi-oin ne’ebé mak mai husi Governo to’o iha autoridade lokal no mos organizasaun Non-Governamental sira. Festival ne’e, harame ho tipu atividade oi-oin ne’ebé mak inklui iha ajenda ba festival ne’e rasik, kompostu husi Konsertu muzikal to atividade kultural sira.
Hola parte iha eventu refere, mai husi Membru Governu sira, korpus diplomatas sira, representante no turista lokal no internasional sira, inklui mos komunidade sira husi Munisipiu Ainaru rasik.
