KONFERENSIA INTERNASIONAL SIÉNSIA NO TEKNOLOJIA & INOVASAUN (SCI-TECH 2024)

Díli, 14/08/2024: S. Exa. Ministru Ensinu Superiór, Siénsia no Kultura, Dr. José Honório, Partisipa iha lansamentu ´´Siénsia, Teknolojia & Inovasaun: Dalan ba Transformasaun no Dezenvolvimentu Sustentável iha Timor-Leste“, ne’ebé mak organiza husi Gabinete presidensia Republika iha, Salaun Nobre, Ministériu Negosiu Estranjeiru no Kooperasaun Díli.

Objetivu husi atividade ida ne’e, atu hodi promove turismu no mos siénsia no teknolojia nian, liuhusi orador konvidadu laureadus no premiadus extraordinária sira ne’ebé konvida husi S. Exa. Presidente Republika, Dr. José Ramos Horta, atu hodi fahe sira nia Experiensia ligadu ho area espesialidade sira iha Siénsia no teknolojia nian.

Objetivu prinsipal husi atividade ida ne’e maka sei inklui palestra kona-ba area teknolojia saúde móvel, telemedicina, no teknolojia edukasionál, Painel diskusaun kona-ba hametin inovasaun iha Timor-Leste, no sesaun pergunta no resposta permite estudante no profisionál Timoroan sira atu envolve diretamente ho laureadu sira.

Atividade loron dahuluk ne’e, hahu ho inagurasaun Expozisaun fotografia husi Fotografo Peter Badge, ne’ebé mak halo retrato dokumentasaun ba iha perkursu husi Laureados Nobel da Paz sira nian. No tuir planu atividade refere sei halao durante loron tolu (3) nia laran, ne’ebé mak sei hafahe ba konferensia Internasional durante loron rua (2) husi loron 14 no 15 Agostu 2024, no iha loron 16 Agostu 2024, hanesan Konferensia Nasional, ne’ebé mak sei iha mos aprezensaun rezultadu peskiza husi peskizador nasional sira ne’ebé mak hetan apoio husi Institutu Nasional Siénsia no Teknolojia (INCT).

Laureadus no premiadus sira ne’ebé mak hola parte iha sesaun ida ne’e mak hanesan:

1. Prof. Shwetak Naran Patel, Ph.D., ACM Prize in Computing in 2018 and MacArthur Fellowship in 2011
2. Prof. Eric Allen Brewer, Ph.D., ACM Prize in Computing in 2009 and the ACM SIGOPS Mark Weiser Award
3. Prof. Julie A. Kientz, Ph.D., MIT TR-35 Award in 2013
4. Professor Sir Konstantin ‘Kostya’ Novoselov, Ph.D., Nobel Prize in Physics in 201
5. Prof. Martin Chalfie, Ph.D., Nobel Prize in Chemistry in 2008

Atividade ne’e rasik hanesan, iniciativa husi S. Exa. Prezidente Republika, ne’ebé mak servisu hamutuk ho MESSK no INCT ba organizasaun eventu refere. Portanto, Partisipantes sira ne’ebé hola parte iha sesaun importante ida ne’e, S. Exa. Prezidente Tribunar Rekursu, Dr. Deolindo dos Santos, Membrus Governu Sira, Korpus Diplomatas, Akademikus no Estudantes sira, Ajensia Nasional no Internasional sira, no mos Instituisaun Relevantes sira seluk.