by 
Ministériu Ensinu Superiór, Siénsia no Kultura, liuhosi Diresaun Jerál Ensinu Superiór no Siénsia, realiza tiha eventu ba Diskursu Públiku ho tema “Dezafiu no Oportunidade iha Ensinu Superiór Timor nian, iha Era Pandemia COVID-19” iha ámbitu hodi Komemora Loron Nasionál Ensinu Superiór nian no Loron Mundiál Siénsia ba Pás no ba Dezenvolvimentu.
Eventu ne’e, hala’o iha salun Fundasaun Oriente Dili, durante loron-2 nia laran. Kandidatu sira maihosi Instituisaun Ensinu Superiór Públiku no Privada rai-laran nian.
Serimónia ne’e, loke ofisiál husi Diretora-Jerál Ensinu Superiór no Siénsia (DJESS) Sra. Maria Filomena Lay Guterres, no hetan partipasaun husi Ekipa-Júri sira nomós partipante husi Instituisaun sira Ensinu Superiór Nasionál.
