Dili, 22/07/2024: Diresaun Nasional Siénsia no Teknolojia, Ministériu Ensinu Supérior, Siénsia no Kultura, kontinua realiza formasaun sistema jestaun base dadus ba fase Da-IV, ne’ebé hanesan fase daikus nian ba Instituisaun Ensinu Superiór Publiku no Privadu sira iha Timor-Leste, ne’ebé mak realiza iha Salaun INAP, Díli.
Objetivu husi formasaun refere atu, atu hodi halo kontrola maximu no efetividade husi Sistema Jestaun Basse Dadus ne’ebé mak, Ministériu desenvolve ona, hodi bele akomula dadus husi, Dosentes, Estudantes no graduadus sira husi Instituisaun Ensinu Superiór sira, hotu território nasional. Aleinde ne’e, ho fase formasaun daikus ida ne’e, Instituisaun Ensinu Superiór sira iha Timor laran bele, implementa ona ba iha sira nia usuabilidade husi sistema refere nian.
Formasaun ba Da-IV ne’e, loke ofisialmente husi Diretora Jeral Ensinu Superiór no Siénsia, Sra. Maria Filomena Lay Guterres, akompañadu husi Diretora Nasional Siénsia no Teknolojia, Sra. Amelia da Silva Araujo, no hetan partisipasaun husi, Pro-Reitor UNTL, teknikus sira husi MESSK no partisipantes sira husi Instituisaun Ensinu Superiór no Instituisaun relevantes sira iha Timor-Leste.
