July 21, 2024

FORMASAUN KONA-BA SISTEMA BAZE DADUS BA INSTITUISAUN SIRA ENSINU SUPERIÓR NIAN

Dili, 4 dezembru 2023: Ekipa téknika hosi UNTL no MESSK fó formasaun kona-ba “Sistema Baze Dadus Ensinu Superiór nian” ba tékniku sira hosi Instituisaun Ensinu Superiór sira (IES), iha Sala Reuniaun MESSK nian, iha Colmera, Dili.

Objetivu hosi atividade ne’e atu fó formasaun kona-ba prosedimentu no utilizasaun Baze Dadus ne’e ne’ebé MESSK dezenvolve tiha ho serbisu-hamutuk ho Fakuldade Enjeñaria UNTL nian.

Formadór sira simu uluk tiha treinu intensivu ho tékniku responsavel sira ba baze dadus ne’e, durante semana ida iha Sentru Formasaun Profisionál Tibar, hodi garante disseminasaun formasaun ne’e ba territóriu nasionál tomak.

Atividade ida-ne’e hahú tiha ho formasaun ba tékniku sira hosi IES privadu tolu (3) – DIT, ISC no IPDC – ho planu atu habelar inisiativa ne’e ba IES sira hotu hodi bele iha difuzaun ida efetiva no efisiente ba sistema ne’e, nune’e prodús baze dadus ida ho kualidade di’ak tebes ba Ensinu Superiór nia nesesidade sira iha Timor-Leste.

0Shares