by 
Dili, 06/08/2024: Ministerio Ensinu Superior (MESSK) Liu husi Nia Ekipa Tekniku Dirasaun Nasional Ensinu Superior (DNES) kontinua konvoka Reuniaun ho Reprezentante husi Institutu Ensinu Superior (IES) ha’at (4) ho nia polo sira mak hanesan, IOB, UNPAZ, DIT no UNTL, iha Salaun Inkontru MESSK Colmera-Dili, ne’ebé mak hahu husi loron 5 to’o 8 Agostu 2024, hodi aprezentasaun Relatoriu rezultadu monitorizasaun ne’ebé mak realiza ona husi ekipa Tekniku sira husi DNES, ba iha Instituisaun Ensinu Superior sira Terrioriu Nasional.
Atividade ne’e hanesan kontinuasaun husi sorumutu DNES nian antes ho Instituisaun Ensinu Superior sira seluk, ne’ebé mak ho nia obzetivu Prinsipal atu hodi apresenta resultadu monitorizasaun ne’ebé ekipa tekniku sira halo ba Iha Instituisaun Ensinu Superiór sira, ligadu ho resultadu identifikasaun no observasaun ne’ebé aliña ho rekezitus monitorizasaun nian.
Portantu, foku ba iha rezultadu monitorizasaun refere maka, atu hodi hare no verifika aliñamentu sistema, operasionalidade no mos funsionamentu sira seluk ne’ebé mak defini ona iha regras no prossedimentus estabelesimentu ensinu superior nian.
Hola parte iha sesaun sorumutu hirak ne’e, liderada husi Diretora Jeral Ensinu Superiór no Siénsia, Sra. Maria Filomena Lay Guterres, Diretor Nasional Ensinu Superiór, Sr. Higino Alves, inklui tékniku sira husi DNES no Estrutura no representantes husi kada Instituisaun Ensinu Superiór sira ne’ebé mak refere.
