May 21, 2024

DELEGASAUN MESSK PARTISIPA IHA 3 AUAP FACULTY DEVELOPMENT PROGRAM BANGKOK AND PATTAYA THAILAND

Tailandia, 21/04/2024: Ekipa delegasaun husi Ministériu Ensinu Supérior, Siénsia no Kultura, ne´ebé mak kompostu husi Diretor Nasional Rekursu Umanu, Sr. Edgar Manuel Soares no Assesor DGESC, Membru KUIS, Sr. Edmundo Viegas, Sr. João Câncio da Costa Freitas, partisipa iha ´´3RD AUAP Faculty Development Program“, iha Bangkok no Pattaya, Tailandia.

Referente programa Association of Universities of Asia and the Pacific (AUAP) ne’ebé ho nia tema ba atividade refere maka ´´Internationalization in Higher Education“, ho Kooperasaun hamutuk ho Master Institute Development Academy and Seminary (MIDAS), Thailand and Central Book of the Philippines and the Association of Southeast and East Asian Catholic Colleges and Universities (ASEACCU). Ho nia objetivu atu hodi oferese ba tekniku husi Instituisaun Ensinu Supérior sira ho prespetiva no abilidades atu sai jestor ne’ebé efetivu no ajente ne’ebé relevante ba prossesu internasionalizasaun husi sira nia Instituisaun Ensinu Supérior.

Aleinde ne’e, objetivu seluk husi partisipasaun delegasaun Timor-Leste ne’e, ne’e mos sai hanesan matadalan ba dezenvolvimentu de kapasidade no ensinu superior, estabelesimentu de relasaun internasionál, no promosaun inovasaun no kualidade sistema edukativu nasaun nian atu hodi bele aranja parseiru internasional sira ne’ebé bele ajuda ba promosaun rekoñesimentu Instituisaun Ensinu Supérior sira Timor-Leste ba nível internacional liu husi programa ne’ebé mak KUIS propor ona.

Tuir kalenadiru, programa refere sei realiza durante loron lima (5) nia laran, ne’ebé mak hahu husi loron 21 to’o 25 Abril 2024, iha fatin hanesan.

0Shares