PROGRAMA BOLSU ESTUDU BA NIVEL MESTRADU HUSI AJÉNSIA KOOPERASAUN INTERNASIONÁL THAILÂNDIA (TICA).

Ministériu Ensinu Superior, Siencia no Kultura (MESSK) liu husi Unidade Parseria no Kooperasaun (UPC) hakarak informa ba públiku katak Governu Tailândia liu husi nia Ajénsia Kooperasaun Internasionál Thailândia ka Thailand International Cooperation Agency (TICA) oferese vaga Bolsa Estudu nivel Mestradu iha âmbitu selebrasaun relasaun diplomátika entre Tailándia ho Timor-Leste ba dala rua nulu(20).”(Thai Government Scholarship on The Occasion of the 20^th Anniversary of Thailand-Timor Leste Diplomatic Relations.) ho area prinsipál haat (4) mak hanesan tuir mai ne’e:

•   Economic Development
•   Social Development
•   Institutional Development
•   Good Governance

Relasiona ho oferta ne’e hakarak konvida Timor oan hirak ne’ebé iha interese atu bele aplika ba vaga bolsa estudu refere no preferensia ba ajensia governamental no organizasaun relevantes sira hodi bele nomeia kandidatu potensial sira ne’ebé elijivel.

KRITERIA ELIJIBILIDADE

1. Tenki sidadaun Timorense.
2. Tenki iha kondisaun saúde (mentál no fíziku) ne’ebé permite atu halo estudu iha rai li’ur, La ho kondisaun grávida spesifikamente ba kandidatu feto sira (komprova ho atestadu médiku)
3. Idade másimu iha loron aplika mak 35 anos
4. La iha rejistu ba kazu kriminál ka ezekusaun sivíl husi tribunál kontra kandidatu (Aneksu ho Bom Comportamento (lian ingléz)
5. Funsionariu sira nebe Iha ona espérensia servisu ne’ebé relevansia ho área estudu disponivel.
6.  Ba funsionariu sira tenke iha karta rekomendasaun rua(2) husi ministériu, ajensia ou organizasaun governu nian.(lian ingléz)
7. Aplikantes tenke iha valor IPK minimu 2.7 ba programa nivel Mestradu.

DOKUMENTU APLIKASAUN

• Aplikante sira bele foti/download Formulariu Aplikasaun iha Link ne’ebe sita iha okos, no bele mos mai direitamente foti formulariu aplikasaun(Scholarship application form) iha UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.
• Aplikante tenke prense kompleta folmulariu aplikasaun(application form) tuir área estudu ne’ebé relevante.

1. Fotokópia sertifikadu lian inglês ( TOEFL ka IELTS) ida ne’ebe validu, durasaun labele liu tinan rua(2).
2. Fotokópia pajina identifikasaun Passaporte RDTL validu no autentika orijinál husi Ministériu Justisa. (Passaporte nia validade mak posterior husi dia 1 Marsu 2025).
3. Curiculum Vitae(CV), no referensia husi ema nain rua(2) (ho lian inglez).
4. Fotokópia Diploma no Transkrisaun Akademika, akompaña ho tradusaun iha lian Ingléz (tenki legalizadu orijinál husi MESCC).
5. Fotokópia Buletim Rejistu Kriminál(Non-Criminal Record Report) iha lian Ingléz no autentika/notariadu orijinál husi Ministériu Justisa
6. Fotokópia Sertidaun RDTL iha lian Inglez no autentika/notariadu orijinál husi Ministeriu Justisa.
7. Fotokópia Kartaun Eleitorál no Billete Identidade aplikante nian. (koloridu).

SUBMISAUN DOKUMENTUS APLIKANTES

• Presiza halo rejistu naran iha UPC-MESCC hodi konfirma aplikante ne’ebe mak priense kriteria elijibilidade hodi konkore vaga bolsa estudu refere.
• Bainhira kandidatu prense ona Formulariu aplikasaun ne’e, aneksa ho dokumentu hotu tau iha envelope A4 kor kafé. Dokumentu tenki tau ordenadu tuir númeru kritéria.
• Documentus original ida(1) no Kopia tolu(3)
• Fatin ba Submete Dokumentu bele mai diretamente iha UPC-MESSK, Avenida Marginal no. 4 Colmera – Dili, Timor-Leste, iha oras serbisu nian.
• Formuláriu aplikasaun no dokumentu kritériu sira ne’ebé submete ona, mak la kompletu, laiha karimbu ofisiál, la legaliza/la notariadu ka la autentika ka iha falsifikasaun ruma iha dokumentu, automatikamente sei diskualifika (ka invalidu).
• Data ikus ba submete dokumentus fisiku (deadline) ba submisaun dokumentus aplikasaun mak 25 Fevereiru 2025.

BA INFORMASAUN KLARU LIU TAN HALO FAVOR BELE VISITA

• Website ofisiál https://tica-thaigov.mfa.go.th
• Website MESCC https://mescc.gov.tl ka pájina facebook ofisiál MESCC nian no hare iha kuadru avisu  ka bele vizita diretamente UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.

Mak nee deit, Ba ita boot sira nia atensaun ami hato’o, obrigadu wain.

Download Formulariu Aplikasaun: ( https://mescc.gov.tl/wp-content/uploads/2025/02/TICA-Application-Form-Timor-Leste.pdf )

Termu Referensia TICA: ( https://mescc.gov.tl/wp-content/uploads/2025/02/TICA-guidelines.pdf )