BOLSA ESTUDU KOMPLETU HOSI THE INDONESIAN AID SCHOLARSHIP (TIAS) 2025

Ministério do Ensino Superior, Ciência e Cultura-MESCC liu hosi Unidade de Parceria e Cooperação-UPC hakarak informa ba públiku katak Governu Repúblika Indonesia liu hosi programa The Indonesian AID Scholarship (TIAS) 2025oferese vaga bolsa estudu ba nasaun parseriu sira inklui Timor-Leste ho total vaga bolsa estudu hamutuk 176 ho nia tarjetu ba Funsionáriu Públiku no individu potensial sira ne’ebé hetan rekomendasaun hosi Institusaun Governu nian ne’ebé iha potensia no kualifikadu hodi kontinua estudu nível  Diploma, nível Lisensiatura no nível Mestradu iha Universidade sira ne’ebé diak liu iha Indonesia.

KRITERIA ELIJIBILIDADE

1. Tenki sidadaun Timor-Leste
2. Tenki iha kondisaun saúde (mentál no fíziku) ne’ebé permite atu halo estudu iha rai li’ur
3. Tenki iha maturidade no kapasidade atu halo moris independente iha rai li’ur
4. La iha rejistu ba kazu kriminál ka ezekusaun sivíl hosi tribunál kontra kandidatu
5. Rekomendasaun hosi superior fatin servisu ba kandidatu Funsionáriu Públiku sira ne’ebé hakarak aplika
6. Kompremetidu hakarak servisu iha Instituisaun ka Setor Públiku Timor-Leste nian hafoin termina estudu, wainhira estadu presiza
7. Ba kandidatu programa:

• Nível Diploma (tenki idade 25 mai kraik),
• Nível Lisensiatura (tenki idade 30 mai kraik), remata ona ensinu sekundáriu ka ekivalente
• Nível Mestradu (tenki idade 42 mai kraik), remata ona lisensiatura

8. Priense rekezitu administrasaun tomak hosi universidade nian mak hanesan: iha kapasidade akadémika, abilidade iha lian inglês no kritéria relevante sira seluk.

Ba informasaun klaru liu tan konaba rekezitu no prosesu rekrutamentu online ba vaga bolsa estudu hirak ne’e halo favor bele visita linkhttps://tias.kemenkeu.go.id. No bele mos kontaktu baparte KBRI Dili, Sra. Zaquelina Pinto ho Nu. +670 74172776 ka Sra. Bonifacia Sequeira ho Nu. +670 78537853

NB:

• Ba aplikantes sira ne’ebe seidauk servisu iha Instituisaun Públiku nian no hakarak hetan rekomendasaun ofisial hosi MESCC-UPC, halo favor bele submete deklarasaun kompromisu hosi kandidatu ne’e rasik katak wain hira termina estudu iha TIAS sei fila mai Timor-Leste hodi kontribui ba dezenvolvementu Timor-Leste nian iha Setor Públiku iha kualker tempu wainhira estadu presiza (Rekomendasaun refere presiza hodi hetan ID login hosi KBRI)
• Data limite ba rejistrasaun online mak loron 23 fulan maiu tinan 2025

Mak ne’e deit, Ba ita boot sira nia atensaun ami hato’o, obrigadu wain.

Dokumentu – Anúnsiu Bolsa husi MESCC ( https://mescc.gov.tl/wp-content/uploads/2025/05/AVIZU-BOLSA-ESTUDU-TIAS-INDONESIA.pdf )

Dokumentu – Scholarship Requirement TIAS ( https://mescc.gov.tl/wp-content/uploads/2025/05/Scholarship-Requirement-TIAS.pdf )

#Media_URP_MESCC