AVIZU – UNIVERSITAS BOROBUDUR SCHOLARSHIP 2024/2025

Ministério do Ensino Superior, Ciência e Cultura-MESCC liu husi Unidade de Parceria e Cooperação-UPC informa ba públiku katak Governu Republika Indonesia liu husi Universitas Borobudur Scholarship 2024/2025 oferese bolsu estudu kompletu ba Timor oan ho programa nível Lisensiatura nain rua nolu (20),  nivel Mestradu nain rua (2) no bolsa parsial programa nível Lisensiatura nain rua nolu (20),  nivel Mestradu nain tolu (3) atu kontinua estudu iha Universitas Borobudur -Indonesia

KRITERIA ELIJIBILIDADE

1. Tenki sidadaun Timorense
2. Tenki iha kondisaun saúde (mentál no fíziku) ne’ebé permite atu halo estudu iha rai li’ur
3. Tenki iha maturidade no kapasidade atu halo moris independente iha rai li’ur
4. La iha rejistu ba kazu kriminál ka ezekusaun sivíl husi tribunál kontra kandidatu
5. Seidauk hetan bolsa husi governu Timor-Leste ka parseiru nasaun seluk (iha momentu mai aplika bolsa ida ne’e)
6. Ba kandidatu ba programa:
   1. Nível Lisensiatura (tenki idade 25 mai kraik), remata ona ensinu sekundáriu ka ekivalente
   1. Nível Mestradu (tenki idade 35 mai kraik), remata ona lisensiatura
7. Priense rekezitu administrasaun tomak husi universidade nian mak hanesan: iha kapasidade akadémika, abilidade iha lingua no kritéria relevante sira seluk.

DOKUMENTU APLIKASAUN

1. Priense kompletu Formulariu Aplikasaun onlineUniversitas Borobudur.
2. Fotokópia pajina identifikasaun Passaporte RDTL validu no autentika orijinál husi Ministériu Justisa.
3. Fotokópia Diploma no Rezume Kaderneta Ensinu Sekundáriu nian, akompaña ho tradusaun iha lian Inglés (tenki legalizadu orijinál husi MEJD ba diploma ensinu sekundáriu ne’ebé hetan ona akreditasaun), ba kandidatu ne’ebé atu aplika nivel Lisensiatura.
4. Fotokópia Diploma no Transkrisaun Akademika, akompaña ho tradusaun iha lian Ingléz (tenki legalizadu orijinál husi MESCC ne’ebé hetan ona akreditasaun), ba kandidatu ne’ebé atu aplika nivel Mestradu.
5. Fotokópia Sertifikadu kualifikasaun iha lian Ingléz  IELTS ka TEOFL.
6. Fotokópia Buletim Rejistu Kriminál (Non-Criminal Record Report) iha lian Ingléz no autentika/notariadu orijinál husi Ministériu Justisa
7. Fotokópia Sertidaun RDTL iha lian Inglês no autentika/notariadu orijinál husi Ministeriu Justisa.
8. Fotokópia Kartaun Eleitorál no Billete Identidade aplikante nian
9. Fotokópia Kartaun Eleitorál inan-aman husi aplikante
10. Fotográfia koloridu ho medida 3×4 tahan rua (2)
11. Deklarasaun komprimisiu kandidatura nian katak la ativu bolsa ka manan ona vaga  bolsa estudu ruma husi parseiru ruma ka governu Timor-Leste no devidamente kandidatu rasik mak asina.

PROSESU KANDIDATURA

• Atu hatene informasaun klaru bele vizita:
• Website ofisiál http://www.borobudur.ac.id bele hatene área estudu kada departamentu iha Universitas Borobudur nian
• Website MESCC https://mescc.gov.tl ka pájina facebook ofisiál MESCC nian ka bele mai diretamente iha UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.
• Formuláriu Aplikasaun bele mai foti diretamente iha UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.
• Formuláriu Aplikasaun, aneksa ho dokumentu hotu husi númeru 2-10 tau iha envelope A4 (orijinál exemplar 1 de’it). Dokumentu tenki tau ordenadu tuir númeru kritéria (1-10).

KALENDÁRIU BA KANDIDATURA NIAN

• 3–6 Setembru 2024: Publikasaun vaga bolsa estudu Universitas Borobudur
• 12–13 Setembru 2024: Submete dokumentu aplikasaun (fíziku) mai UPC-MESCC
• 16 Setembru 2024: Selesaun Dokumentu iha UPC-MESCC
• 17 Setembru 2024: Anunsiu Rezultadu selesaun dokumentu
• 18-19 Setembru 2024: Intrevista ba aplikante ne’ebé liu selesaun dokumentu
• 20 Setembru 2024: Anunsiu rezultadu finál ba kandidatu ne’ebé passa intervista.

Mak nee deit, Ba ita boot sira nia atensaun ami hato’o, obrigadu wain

Dili, 2 Setembru 2024

Paulo Mariano

Koordenador UPC