AVIZU – BOLSA ESTUDU KOMPLETU HUSI DAIKYO INDUSTRIAL GAS & EQUIPMENT, UNIP., LDA. (Brunei Darussalam)

Ministériu Ensinu Superiór, Siênsia no Kultura (MESCC-sigla iha portugués) liu husi Unidade Parseria no Kooperasaun (UPC-sigla iha portugués) informa ba públiku katak nasaun Brunei Darussalam liuhusi Kompaña DAIKYO INDUSTRIAL GAS & EQUIPMENT, UNIPESSOAL, LDA oferese bolsu estudu kompletu ho vaga rua (2) ba Timor Oan atu kontinua estudu iha Laksamana College of Business (LCB), iha Brunei Darussalam ho programa Diploma III iha area Hospitalidade

■ Kriteria elejibilidade atu konkore ba bolsa refere mak hanesan:

1. Tenke sidadaun Timor-Leste
2. Iha saúde no mentál ne’ebé diak
3. Idade 18-25 iha momentu aplika
4. Kandidatu tenki iha rezultadu akadémika sekundária ka ekivalente ne’ebé diak
5. Kandidatu tenki domina lian Inglês ho diak, koalia, hakerek no lé
6. Iha motivasaun hakarak estuda ba Programa D-III, iha Brunei Darussalam
7. Iha Rekomendasaun husi eskola anteriór (sekundária ka ekivalente)
8. Iha Rekomendasaun non-academic  hanesan husi: fatin servisu, organizasaun (karik iha)

■ Dokumentus Aplikasaun

1. Priense Formuláriu aplikasaun link https://forms.gle/v45TXGm6QbNZRQuG9
2. Foto koloridu ho fundu azul medida passaporte nian (4×6 cm) tahan ida
3. Fotokópia Diploma Ensinu Sekundáriu nian, akompaña ho tradusaun iha lian Ingléz (tenki legalizadu orijinál husi Ministériu Edukasaun)
4. Fotokopia Sertifikadu kualifikasaun iha lian Ingléz, IELTS ka TEOFL.
5. Karta Motivasaun aprezenta motivu tamba sa konkorre mai programa ida ne’e,  ho lia-fuan 200 ba leten, ne’ebé esplika kona-ba motivasaun kandidatu nian hodi aplika bolsa estudu ne’e iha lian ingléz
6. Curiculum Vitae (CV) iha lian ingléz no atualizadu
7. Sertifikadu Atestadu Médiku husi HNGV (aprezenta mos rezultadu analiza serolójia kompletu)
8. Fotokópia pajina identifikasaun Passaporte RDTL validu até 2026 ba leten no autentika/notariadu orijinál husi Ministériu Justisa
9. Fotokópia Sertidaun RDTL iha lian Inglês no autentika/notariadu orijinál husi Ministériu Justisa
10. Fotokópia Kartaun Eleitorál no Bilete Identidade (validu) aplikante nian
11. Fotokópia Kartaun Eleitorál inan-aman husi aplikante.
12. Deklarasaun komprimisiu kandidatura nian katak la ativu bolsa ka manan ona vaga bolsa estudu ruma husi parseiru ruma no devidamente kandidatu rasik mak asina.
13. Karta Rekomendasaun husi eskola anteriór (sekundária ka ekivalente) ka husi serbisu fatin (karik iha) iha lian ingléz

■ Kalendáriu Prosesu Kandidatura

• 19 – 23 Fevereiru 2024: prince formuláriu aplikasaun iha link google form
• 26 – 1 Marsu 2024: submete dokumentu aplikasaun (fiziku) mai UPC-MESCC bainhira halo ona rejistu on-line iha link https://forms.gle/v45TXGm6QbNZRQuG9  ka scan QR-Code
• 4 – 5 Marsu 2024: Anunsiu Rezultadu selesaun dokumentu
• 11 – 13 Marsu 2024: Entrevista ba aplikante ne’ebé liu selesaun dokumentu
• 18 – 19 Marsu 2024: Anunsiu rezultadu finál ba kandidatu ne’ebé passa intervista.

Ba informasaun klean, bele Vizita wbsite MESCC https://mescc.gov.tl ka pajina facebook ofisiál MESCC nian ka bele mai diretamente iha UPC-MESCC,  Avenida Marginal no. 4 Colmera – Dili, Timor Leste, iha oras servisu nian.

Mak ne’e deit, Ba ita boot sira nia atensaun ami hato’o, obrigadu wain