by 
Díli, 23/07/2024: Ekipa Juri ba Konkursu Proposta ´´Dalan ba Igualdade“, ne’ebé destinadu ba Instituisaun Ensinu Superiór sira iha território nasional, ne’ebé mak kompostu husi tekniku, Unidade Relasaun Publika – MESSK, Diresaun Jeral Ensinu Superiór no Siénsia – MESSK, no tekniku husi Sekretaria Estadu Igualdade (SEI), no akompaña husi tekniku Gabinete Diresaun Jeral Planeamentu no Finansas, halao avalisaun ba dokumentus, Konkursu Proposta ho tema ´´Dalan ba Igualdade“, ne’ebé mak partisipa husi Instituisaun Ensinu Superior, sira ne’ebé existe iha território Nasional.
Portantu faze ba konkursu refere rasik, antes ne’e Ministériu loke, hahu husi loron 05 to’o 21 Jullu 2024, ba Universidade sira, atu bele konkore ho sira nia planu no atividade ne’ebé mak refleta ba promosaun assuntu Igualdade Jeneru iha Instituisaun Ensinu Superiór sira. No tuir planu ne’ebé mak iha, rezultadu ba konkursu sei anunsia iha, Sexta-Feira, loron 26 Jullu 2024.
