by Díli, 24 Marsu 2025 – Ekipa husi Kaza Sivil Prezidénsia da Repúblika halo sorumutuk ho reprezentante sira husi Ministériu Ensinu Superior, Siénsia no Kultura (MESSK) no Institutu Nasionál Siénsia no Teknolojia (INCT), ho objetivu atu halo avaliasaun ba prosesu operasionál atividade sira iha âmbitu Programa Promosaun Turismu Timor-Leste 2024 (PPTTL-2024), ne’ebé fó enfáze espesiál ba atividade sira relasiona ho Expozisaun SCI-TECH 2024.
Avaliasaun ne’e lidera husi ekipa Kaza Sivil, liuhusi sesaun Grupu-Foku Diskusaun, ho objetivu rekolle dadus atu ne’ebé permiti halo análize konkreta liu kona-ba impaktu atividade sira ne’ebé implementa iha âmbitu programa nasionál importante ida ne’e.
Sorumutuk refere hala’o iha Sala Reuniaun MESSK, iha Colmera, no hetan partisipasaun reprezentante sira husi INCT no mós Inspetor-Jerál, Diretor Nasionál, Xefe Departamentu, tékniku no asesór sira husi MESSK.
#Media_URP-MESSK
English 
Portuguese