Ajénsia Nasionál ba Avaliasaun no Akreditasaun Akadémika
Natureza
Estabelese nu’udar Ajénsia Nasionál ba Avaliasaun no Akreditasaun Akadémika – ANAAA, ho misaun atu avalia no fó akreditasaun ba estabelesimentu sira ensinu superiór no ninia síklu estudu sira iha Timor-Leste no sei aprova ninia Estatutu rasik, ne’ebé konsta iha Aneksu I iha dekretu-lei ida-ne’e, no nia halo-parte ba.
ANAAA nu’udar pesoa-koletiva ne’ebé iha direitu públiku ho personalidade jurídika no iha kapasidade judisiária, ho autonomia administrativa no finaseira ho patrimóniu rasik.
ANAAA nia kapasidade judisiária abranje prátika husi aktu jurídiku hotu, hodi goza direitu hotu no hakruuk ba obrigasaun sira ne’ebé mesak nuudar importante hodi kumpri nafatin ninia atribuisaun sira.
ANAAA harii tuir tempu ne’ebé la determinadu.
ANAAA hetan rekoñesimentu nu’udar instituisaun ba utilidade públika.
ANAAA regula tuir saida maka hatuur ona iha dekretu-lei ida-ne’e, tuir Estatutu ne’ebé publika iha aneksu no mós, kontribuisaun hosi lejislasaun hirak seluktán ne’ebé sei aplika karik ba nia.
Misaun & Vizaun
ANAAA iha kompeténsia, tuir termu sira be preve iha lei ida-ne’e no Estatutu ne’e rasik, atu halo avaliasaun no fó akreditasaun ba instituisaun ensinu superiór sira no ninia siklu estudu sira no, dezempeña mós funsaun importante atu integra Timor-Leste ba iha sistema internasionál kona-ba garantia ba kualidade.
ANAAA iha mós responsabilidade hodi halo avaliasaun institusionál ba universidade hotu be estabelese iha Timor-Leste, fó akreditasaun ba estudu pós-graduasaun no kursu regulár sira, nune’emós formula rekomendasaun kona-ba projetu husi instituisaun ensinu superiór foun sira.
ANAAA iha responsabilidade atu haree katak Instituisaun hotu ensinu superiór nian ne’ebé hetan konfirmasaun no emiti ona grau akadémiku tuir ka lae prosedimentu avaliasaun no akreditasaun nian.
ANAAA bele mós partisipa hodi halo avaliasaun hirak seluk tuir natureza sientífika, liuliu ba instituisaun sira be integra iha sistema sientífiku nasionál.
Organograma
English 
Portuguese