July 21, 2024

πŒπ„π’π’πŠ 𝐒𝐄𝐋𝐄𝐁𝐑𝐀 π€πŠπŽπ‘πƒπ” π€π“π‘πˆππ”πˆπ’π€π”π 𝐒𝐔𝐁𝐕𝐄𝐍𝐒𝐀𝐔𝐍 πΓšππ‹πˆπŠπ€ 𝐁𝐀 πˆππ’π“πˆπ“π”πˆπ’π€π”π πˆπ„π’ ππ”ππ‹πˆπŠπ” πŸπŸ• πˆπ‡π€ π“πˆπŒπŽπ‘-𝐋𝐄𝐒𝐓𝐄

DΓ­li, 28/05/2024: MinistΓ©riu Ensinu SupΓ©rior, SiΓ©nsia no Kultura, realiza serimΓ³nia asinatura akordu, iha salaun MESSK, Colmera DΓ­li, kona-ba atribuisaun fundu subvensaun pΓΊblika ba Instituisaun Ensinu SuperiΓ³r Privadu 17 iha Timor-Leste.

Objetivu husi fundu subvensaun pΓΊblika ne’e atu hadia no reforsa kualidade Ensinu SuperiΓ³r iha Timor-Leste. Total orasmentu ne’ebΓ© mak sei aloka ba iha Instituisaun Ensinu SupΓ©rior privadu sira ne’e, ho montante akomulativa hamutuk Milaun Lima ($5).

Prosesu atribuisaun ne’e rasik sei hafahe ba fase prosesu 2 mak hanesan, dahuluk sei transfere Porsentu 40% hodi ezekuta ba planu ne’ebΓ© propoin husi IESP sira iha sira nia proposta, tuir cronograma planu husi IES ida-idak. Segundu, Porsentu 60% sei transfere hafoin IESP sira submete relatΓ³riu ezekusaun ba orsamentu husi fase dahuluk nian.

Fundu subvensaun ne’e sei utiliza husi IESP sira, hodi hadia no reforsa kualidade Institusional husi Instituisaun Ensinu SupΓ©rior Privadu sira, hanesan infraestrutura, nesessidade material operasional, kapasitasaun rekursu, no atividade sira seluk ne’ebΓ© previstu iha proposta ne’ebΓ© submete ba MinistΓ©riu.

Akordu refere ofisialmente assina husi S. Exa. Ministru Ensinu SuperiΓ³r, SiΓ©nsia no Kultura, Dr. JosΓ© HonΓ³rio ho MagnΓ­fiku reitores husi IESP 17, no hetan partisipasaun husi kargus dirijente, funsionΓ‘riu no representante husi instituisaun relevante sira.

0Shares