𝐌𝐄𝐒𝐒𝐊 𝐒𝐄𝐋𝐄𝐁𝐑𝐀 𝐀𝐊𝐎𝐑𝐃𝐔 𝐀𝐓𝐑𝐈𝐁𝐔𝐈𝐒𝐀𝐔𝐍 𝐒𝐔𝐁𝐕𝐄𝐍𝐒𝐀𝐔𝐍 𝐏Ú𝐁𝐋𝐈𝐊𝐀 𝐁𝐀 𝐈𝐍𝐒𝐓𝐈𝐓𝐔𝐈𝐒𝐀𝐔𝐍 𝐈𝐄𝐒 𝐏𝐔𝐁𝐋𝐈𝐊𝐔 𝟏𝟕 𝐈𝐇𝐀 𝐓𝐈𝐌𝐎𝐑-𝐋𝐄𝐒𝐓𝐄

Díli, 28/05/2024: Ministériu Ensinu Supérior, Siénsia no Kultura, realiza serimónia asinatura akordu, iha salaun MESSK, Colmera Díli, kona-ba atribuisaun fundu subvensaun públika ba Instituisaun Ensinu Superiór Privadu 17 iha Timor-Leste.

Objetivu husi fundu subvensaun públika ne’e atu hadia no reforsa kualidade Ensinu Superiór iha Timor-Leste. Total orasmentu ne’ebé mak sei aloka ba iha Instituisaun Ensinu Supérior privadu sira ne’e, ho montante akomulativa hamutuk Milaun Lima ($5).

Prosesu atribuisaun ne’e rasik sei hafahe ba fase prosesu 2 mak hanesan, dahuluk sei transfere Porsentu 40% hodi ezekuta ba planu ne’ebé propoin husi IESP sira iha sira nia proposta, tuir cronograma planu husi IES ida-idak. Segundu, Porsentu 60% sei transfere hafoin IESP sira submete relatóriu ezekusaun ba orsamentu husi fase dahuluk nian.

Fundu subvensaun ne’e sei utiliza husi IESP sira, hodi hadia no reforsa kualidade Institusional husi Instituisaun Ensinu Supérior Privadu sira, hanesan infraestrutura, nesessidade material operasional, kapasitasaun rekursu, no atividade sira seluk ne’ebé previstu iha proposta ne’ebé submete ba Ministériu.

Akordu refere ofisialmente assina husi S. Exa. Ministru Ensinu Superiór, Siénsia no Kultura, Dr. José Honório ho Magnífiku reitores husi IESP 17, no hetan partisipasaun husi kargus dirijente, funsionáriu no representante husi instituisaun relevante sira.