𝐋𝐚𝐧𝐬𝐚𝐦𝐞𝐧𝐭𝐮 𝐊𝐚𝐦𝐩𝐚ñ𝐚 𝐍𝐚𝐬𝐢𝐨𝐧á𝐥 “𝐊𝐮𝐥𝐭𝐮𝐫𝐚 𝐅𝐨𝐫𝐭𝐞 𝐍𝐚𝐬𝐚𝐮𝐧 𝐌𝐞𝐭𝐢𝐧” 𝐢𝐡𝐚 𝐌𝐮𝐧𝐢𝐬í𝐩𝐢𝐮 𝐂𝐨𝐯𝐚𝐥𝐢𝐦𝐚

Ministeriu Ensinu Superior, Siénsia no Kultura, liu husi Sekretáriu Estadu Arte no Kultura, lansa programa ba Kampaña Nasionál “Kultura Forte Nasaun Metin” iha munisípiu Covalima, Postu Administrativu Suai Vila. Objetivu husi programa ne’e, atu hodi promove liu tan ita-nia identidade kulturál ne’ebé mak hanesan orijen husi munisípiu nian, no atu prezerva nafatin eransa hirak ne’e ba iha jerasaun tuir mai. Programa ne’e, ofisialmente, loke husi reprezentante Administradór Munisípiu Covalima, no hetan partisipasaun husi Prezidente Komisaun G Parlamentu Nasionál, Deputadu António Verdial, Konsellu Veteranus munisípiu nian, Diretór-Jerál, dirijente no funsionáriu husi MESSK no SEAK, Lia Nain sira no mós komunidade sira.