Ministério do Ensino Superior, Siência e Kultura (MESSK) Timor-Leste, liu husi Unidade Parseria no Kooperasaun (UPK) informa ba Públiku katak Governo Malásia hahú loke programa bolsa estudu kompletu ba Tinan Akadémiku 2026/2027, nível Mestradu iha vaga 2.
INFORMASAUN JERAL KONA-BA ESTUDU MTCP :
- Aplikasaun loke : husi 4 Maiu 2026 to’o 12 Juñu 2026
- Oinsa aplika: kandidatu bele aplika ba Bolsa Estudu MTCP liu-hosi Website MTCP iha mtcp.kln.gov.my
- Tipu kursu: Bolsa estudu ne’e loke deit ba Grau Mastradu full-time ba intake Setembru/Outubru tinan 2026/2027;
- Sira ne’ebé bele aplika: Bolsa estudu oferese ba graduadu di’ak husi Nasaun benefisiariu MTCP ne’ebé lista ona iha website Bolsa Estudu MTCP.
KRITÉRIU ELIJIBILIDADE
Kandidatu tengke kumpre kritériu tuir mai:
- Kópia Diploma no Transkrisaun Akademika, (tenki legalizadu orijinál husi MESSK ne’ebé hetan ona akreditasaun);
- Kópia Passaporte Valido (karik iha ona);
- Sertidaun Moris RDTL;
- Kartaun Eleitoral;
- Boletim Registu Kriminal;
- Curriculum vitae asina no testamuña husi ema nain rua (Assinatura original kandidatu no testamuña);
- Esbosu proposta planu nian Pajina 2, Uja lian Ingles;
- Deklarasaun komprimisiu kandidatura nian katak la ativu bolsa ka manan ona vaga bolsa estudu ruma husi parseiru ruma no devidamente kandidatu rasik mak asina
- Kópia Sertifikadu kualifikasaun iha lian Inglés (karik iha);
- Tinan labele liu 45 iha momentu apikasaun;
- Hetan minimu second Class Upper (Honours) ka CGPA minimu 3.0 ka ekivalente iha nivel licenciatura;
- Fo prova Profisiensi lian Ingles: IELTS total minimal 6.0 ka TOEFL total minimu 60 ka Hetan grau antes ho ingles hanesan meiu instrusaun;
- Atestadu Mediku; Formulariu relatoriu médiku bele download husi website Bolsa Estudu MTCP. Relatoriu médiku tenke válidu iha fulan neen (6) nia laran husi data aplikasaun.
PROSESU APLIKASAUN
- Kandidatu interesadu tenke rejista no aplika ba Bolsa Estudu MTCP liu husi sistema iha mtcp.kln.gov.my
- Sistema ne’ebé uza ba rejistrasaun mós sei uza ba Prosesu aplikasaun no selesaun tomak. Kandidatu presiza login ba sistema iha etapa oioin husi prosesu atu hetan atualizasaun kona ba estudu aplikasaun ka fó dokumentu suplementar.
- Nota: Aplikasaun ne’ebé submete ona ba sistema de’it maka sei konsidera.
Dokumentu ne’ebé kandidatu tenke submete iha sistema aplikasaun online (scan no save ou rai iha formatu PDF)
BENEFÍSIU BOLSA ESTUDU:
- Propinas ba periodu bolsa estudu tomak sei selu diretamente ba Universidade bainhira Universidade fó invoice
- Osan fulan-fulan sei selu ba konta banku Malásia kandidatu nian;
- Billete aviaun (klase ekonómiku husi aeroportu internasionál ne’ebé besik liu kandidatu nian ba Malázia ba hahú programa bolsa estudu no billete fila ba nasaun orijen kandidatu nian bainhira remata programa bolsa estudu.
ÁREA ESTUDU:
Prioridade sei fó ba área estudu tuir mai:
- Teknolojia Informasaun no komunikasaun;
- Ekonomia no Komérsiu;
- Siénsia, Teknolojia, Enjenaria no Matemátika (STEM);
- Seguransa Ai-han no Teknolojia Agrikultura;
- Finansas Islámiku;
- Lei;
- Administrasaun Públiku no Estudu Polítika;
- Siénsia Sustentavel no Ambientál;
La Aplikabel Ba Kursu Enfermajen, Medisina & Farmasia
KRITÉRIU SELESAUN:
Aplikasaun sei konsidera tuir kritériu selesaun tuir mai:
- Realizasaun akadémiku no extra-kurrikular nível aas
- Profisiensia di’ak iha Ingles (komunikasaun, hakerek no lee);
- Preparasaun ne’ebé demonstra ona ba programa estudu ne’ebé hili
TERMU NO KONDISAUN
- Benefisiáriu tenke tuir programa Grau Mastradu full-time iha Malásia, preferensialmente iha Universidade Públiku, durante períodu hanesan hatudu iha karta Oferta Bolsa Estudu.
- Benefisíariu labele troka sira nia programa durante períodu bolsa estudu, exetu ho permisaun eskritu husi Univesidade no Sekretariadu MTCP
- Benefisiáriu tenke kumpre rekezitu programa estudu nian tuir lei Malázia no regra, regulamentu no kódigu konduta Universidade nian.
- Kualker suspensaun husi Universidade sei rezulta suspensaun imediatu ba bolsa estudu. Osan fulan-fulan sei la selu durante suspensaun
- Responsabilidade ba benefisiáriu ne’ebé susesu maka aplika no kumpre rekezitu ba fó vistu entrada apropriadu inklui exame médiku. Kustu aplikasaun vistu benefisiariu maka sei selu tomak. Informasaun liután no detallu aplikasaun disponivel iha visa.educationmalaysia.gov.my
- Benefisiáriu tenke mantein progresu akadémiku satisfatóriu no pozisaun di’ak durante periodu estudu hanesan estipula husi Universidade anfitriaun. La kumpre sei rezulta bolsa estudu ne’e hasai.
- Bolsa estudu ne’e bele uza deit iha universidade Malásia no estudu tenke halaó iha Malásia
- Benefisiáriu la permitidu atu foti empregu selu ruma durante sira nia periodu sein aprovasaun eskritu husi Univesidade anfitrain no Sekretariadu MTCP.
DETALLU KONTAKTU :
Ba informasaun liután ba Bolsa Estudu MTCP, bele kontaktu:
Telefone: +603-8887 4658 / 4563 /4424
( 8:30 dader – 16.30 lokraik / Segunda – Sexta)
E-mail: mtcp_scholarship@kln.gov.my
Ba asinténsia tékniku kona ba sistema aplikasaun online MTCP, favor submete email ho screenshots ba: mtcp_scholarship@kln.gov.my
Mak ne’e deit, ba ita bo’ot sira nia atensaun ami hato’o, Obrigadu wain.!
