by 
Malázia, 02/12/2024: S.Exa. Ministru Ensinu Superior, Siénsia no Kultura, Dr. José Honório, hamutuk ho membru governu sira seluk, akompaña S.Exa. Primeiru-Ministru RDTL, Kay Rala Xanana Gusmão, durante sorumutu ho Governu Malázia, hodi diskute kona-ba interése kooperasaun husi dois país nian iha área bilateral diversa.
Iha sorumutu ofisiál ida ne’ebé lidera husi S.Exa. Primeiru-Ministru Malázia, Dato’ Sri Anwar Ibrahim, ho Governu Timor-Leste, diskuti mos kona-ba apoiu bilateral ne’ebé Governu Malázia fó ona ba Timor-Leste, liu-liu iha adesaun Timor-Leste nudar membru ASEAN nian. Diskuti mos kooperasaun entre governu rua nian iha área diversa hanesan setor edukasaun, sosial no seluk tan ne’ebé bele benefisia Timor-Leste no Malázia rasik.
Portantu, durante vizita ida ne’e, S.Exa. Primeiru-Ministru, Kay Rala Xanana Gusmão, partisipa iha atividades no sorumutu ofisiál nível governu ne’ebé organiza husi Governu Malázia no instituisaun sira iha Malázia. Inclusivamente, halo audiénsia ho Lirai Malázia nian, Sua Majestade Liurai Johor, Sultão Ibrahim Sultão Iskandar, iha Palásiu Nasionál, Kuala Lumpur.
